လွင်ႈပၢႆးဝူၼ်ႉၸဝ်ႈပိူင်ႇလိၼ်ၵိူတ်ႇပဵၼ်မႃး

ငဝ်းလၢႆးၵၢၼ်မၢၵ်ႈမီးလႄႈ ၵၢၼ်မိူင်းၼႂ်းယူးရိူပ်ႉ မိူဝ်ႈႁူဝ်ပၢၵ်ႇပီႊႁုပ်ႈပႅတ်ႇလႄႈၵဝ်ႈၼၼ်ႉ ႁဵတ်းႁႂ်ႈၵိူတ်ႇပဵၼ်မႃး ပၢႆးဝူၼ်းၸဝ်ႈ ပိူင်ႇလိၼ်ၼႆႉယဝ်ႉ။ မိူဝ်ႈႁူဝ်ပၢၵ်ႇႁုပ်ႈပီႊပႅတ်ႇၼၼ်ႉ ၵူၼ်းၶိူဝ်းမူႇသလိမ်ႇ ဢၼ်ယူႇပွၵ်ႇတၢင်းဢွၵ်ႇယူးရိူပ်ႉၼၼ်ႉ ၶဝ်ႈမႃး တိုၵ်းယူးရိူပ်ႉလႄႈ ၵၢၼ်မၢၵ်ႈမီးယူႊရိူပ်ႉလႆႈၵိုတ်းၵႂႃႇယဝ်ႉ။ ထႅင်ႈၽၢႆႇၼိူင်ႈၵေႃႈ ၵူၼ်းၶိူဝ်းၼေႃးရိသ်ႉၶဝ်ၵေႃႈ ၵိုင်ႉၵၢင်ၵိုတ်း ပဵတ်ႈလွင်ႈလႆႈၸႂ်ၵၼ် ၼႂ်းၵၢၼ်ၵႃႉၶၢႆၸွမ်းယူးရိူပ်ႉယဝ်ႉ။ ၵၢင်မၢၵ်ႈမီးယူးရိူပ်ႉၵေႃႈ ယူပ်ႈယွမ်းတူၵ်းၵႂႃႇ ယွၼ်ႉဝႃႈဢမ်ႇမီးသဵၼ်ႈ တၢင်းၵႃႉၶၢႆတင်းတၢင်ႇမိူင်းၼၼ်ႉယဝ်ႉ။ ယွၼ်ႉၼၼ်ႉလႄႈ ၵၢၼ်ပိူင်ႇလိၼ်ၼႆႉပဵၼ်မႃးၾၢင်ႁၢင်ႊ ၵၢၼ်မၢၵ်ႈမီးဢၼ်ၼိူင်ႈ ယဝ်ႉ။

မိူဝ်ႈၼၼ်ႉ ၼႂ်းယူးရိူပ်ႉၼၼ်ႉ လွၵ်းၵၢတ်ႇၵေႃႈဢမ်ႇမီးသေဢမ်ႇၵႃး ငိုၼ်းဢၼ်ပၼ်ယူႇၵေႃႈမီး ဢိတ်းၼိူင်ႈၵွၺ်းၼၼ်ႉယဝ်ႉ။ ၵၢၼ်ၵႃႉၶၢႆၵေႃႈဢမ်ႇပဵၼ် ၵွၺ်းမီးၵၢၼ်လႅၵ်ႈပိၼ်ႇၶူဝ်းၶွင်ၵၼ်လႄႈ ၵၢၼ်လႅၵ်ႈပိၼ်ႇႁႅင်းၵၼ်ၵွၺ်းၼၼ်ႉယဝ်ႉ။ ၵၢၼ်ၵဵပ်းၶွၼ်ႇ ၵေႃႈလႆႈယုပ်ႈယွမ်းလူင်းၵႂႃႇလႄႈ လွင်ႈဢုပ်ႉပိူင်ႇႁေႃ ၶမ်းၵေႃႈလႆႈယုပ်ႈယွမ်းၸွမ်းၼၼ်ႉယဝ်ႉ။ ပုၼ်ႈတႃႇတေပၼ်ၵူၼ်းဢၼ် ႁဵတ်းၵၢၼ်ပၼ်ႁေႃၶမ်းၼၼ်ႉ ၶုၼ်ႁေႃၶမ်းပၼ်လႆႈတီႈလိၼ်ၵွၺ်းယဝ်ႉ။

ယွၼ်ႉၼၼ်ႉလႄႈ မိူဝ်ႈပၼ်ၼၼ်ႉၼၼ်ႉ ၽႂ်လႂ်ပိူင်ႇလႆႈတီႈလိၼ်ၼမ်သေပိူၼ်ႈၵေႃႈ ၵေႃႉၼၼ်ႉပဵၼ် ၸဝ်ႈလႄႈ မီးႁႅင်းပွင်ႊလႆႈ ၼၼ်ႉယဝ်ႉ။