တၢင်းႁူ့ဢိတ်းဢွတ်းၼိူဝ်ႁူဝ်ၶေႃႈၵၢၼ်သၢင်ႈလွင်ႈၵတ်းယဵၼ်ၼႂ်းမိူင်းမၢၼ်ႊ

ပေႃးႁဝ်းတေမႃးလဵပ်ႈႁဵၼ်းတူၺ်းၼိူဝ် ၵၢၼ်သၢင်ႈလွင်ႈၵတ်းယဵၼ်ၶွင်လူင်ပွင်ၸိုင်မၢၼ်ႊ ဢၼ် ဢုပ်ႇတေႃႇၸၢဝ်းၶိူဝ်းတေႃႈလဵဝ်ၼႆႉတေႉ ၵႃႊတေလႆႈႁူ့ဢွၼ်တၢင်းဝႃႈ သိုၵ်းမၢၼ်ႊၼႆ့ယွၼ့်သင် လႄႈၶဝ်ၶႂ်ႈလႅၵ်ႈလၢႆႈပဵၼ်ပိူင်"တီႇမူဝ်ႇၶရေႇသီ" ၼႆၼၼ်ႉယဝ်ႉ။

မိူဝ်ႈပူၼ်ႉမႃး2008-2009ၼႆႉၵူၺ်း Nowayၵႂႃႇၸွႆႈၵႄႈလိတ်ႈပၼ်လွင်ႈၶွင်ၶမ်ၸၢဝ်းၶိူဝ်း ၼႂ်း

SriLanka။ လၢႆးၼေႃႇဝူၺ်းၵႄႈလိတ်ႈတႄႉ ႁဵတ်းႁႂ်ႈၸၢဝ်းၶိူဝ်းဢၼ်တိုၵ်းတေႃႇလူင်ပွင်ၸိုင်ႈ ၼၼ်ႉ ဝၢင်းၵႂင်ႈသေ ၶဝ်ႈဢုပ်ႇၵၢၼ်မိူင်းတေႃႇလူင်ပွင်ၸိုင်ႈၼႆယဝ်ႉ။ မိူင်းသီႇရီႉလၢင်းၵႃၵေႃႈပဵၼ် မႃးၸွမ်း ၼင်ႇၼေႃႇဝူၺ်းၽႅၼ်ဝႆ့ ၵူၺ်းၵႃႊဝႃႈ ၸၢဝ်းၶိူဝ်းဢၼ်ၸိူဝ်းဝၢင်ၵႂင်ၵႂႃႇၸိူဝ်းၼၼ်ႉ ဢမ်ႇ မီးသုၼ်ႇၽဵင်ႇပဵင်းၼင်ႇလူင်ပွင်ၸိုင်(ၸၢဝ်းၶိူဝ်းဢၼ်ယႂ်ႇသေပိူၼ်ႈၼႂ်းSriLanka)။ လွင်ႈၼႆႉၼေႃႇ ဝူၺ်းၵေႃႈဢမ်ႇ ႁူ့ၸွမ်းသင်။

မိူဝ်ႈၽွင်းၼၼ်ႉ သမ့်မႃးသုပ်းၺႃးဢဝ်ၽွင်းမိူင်းလူင်ပွင်ၸိုင်ႈမိူင်းႁဝ်း ၶႂ်ႈလႆႈၶေႃႈမၵ်းမၼ်ႈပဵၼ် လူင်ပွင် ၸိုင်ၶဝ်ႈပိူင်မၢႆမီးတီႈလုမ်ႈၾႃႇလႄႈၵူၼ်းမိူင်း ယွၼ်ႉၼၼ်လႄႈ လူင်ပွင်ၸိုင်ႈ မၢၼ်ႊၵေႃႈ ၸင်ႇလႆႈႁူပ်ႉ ထူပ်းတင်းလူင်ပွင်ၸိုင်ႈၼေႃႇဝူၺ်းမိူဝ်ႈ2009-2010ၼၼ်ႉသေ ၸင်ႇလႆႈၵိူတ်ႇဢွၵ်ႇ ၸုမ်း ဢၼ်ႁွင်ႉ ၸိုဝ်ႈဝႃႈ International Peace Dona Group ၼၼ်ႉယဝ်ႉ။ IPDG ၼႆႉတႄႉ ပဵၼ်ၸုမ်းဢၼ် ၸွႆးပၼ် ငိုၼ်းတွင်းၵူႊလွင်ႈလွင်ႈ ၼိူဝ်ၶူင်းၵၢၼ်ၵၢၼ်သၢင်ႈလွင်ႈၵတ်းယဵၼ် ၵူႊမိူင်းယဝ်ႉ။ ႁဵတ်းၼႆသေ လူင်ပွင် ၸိုင်ႈၼေႃႇဝူၺ်းၵေႃးလႆႈပၼ်ငိုၼ်းတီႈလူင်ပွင်ၸိုင်ႈမၢၼ်ႊ တႃႇတေသၢင်ႈလွင်ႈၵတ်းယဵၼ်ၼႂ်း ၸၢဝ်း ၶိူဝ်းယဝ်ႉ။ ၸဝ်ႈႁၢၼ်ၵေႃႉဢၼ်ပဵၼ်ၽူႈၼမ်း EBO (Euro Burma Office) ၼႆ့သမ့်ၶဝ်ႈၸိမ် ၸွမ်းၵႄႈမၼ်း ၵူဝ်ဝႃႈၼႂ်းၵၢၼ်သၢင်ႈလွင်ႈၵတ်းယဵၼ်ၼႂ်း မိူင်းမၢၼ်ႊၼႆ့ ဢမ်ႇပႃးဢၼ်ၸၢဝ်းၶိူဝ်းတၢင်း လၢႆၶႂ်ႈ လႆႈ။ တူဝ်ယၢင်ႇ- EBO ၸွႆႈပၼ်ၵူႊလွင်ႈ ၸဵမ် ဢဝ်ႁူဝ်တေႃႇတိၼ်၊ ၸတ်ႈပၼ်တီႈ၊ ၸွႆးလၢတ်ႈ ပၼ်ႁႂ်ႈ သွင်ၾၢႆႇသွင်တၢင်းတေ ဢုပ်ႇၵၼ်ငၢႆႈ ငၢႆႈလူမ်လူမ်။ IPDG တေပဵၼ်ၸုမ်ႈၵေႃ့ဢၼ်ပၼ်ငိုၼ်း မႃးတီႈ EBO မၢင်ႊပွၵ်ႈမၢင်ႊလႂ်ၵေႃႈပဵၼ် တီႈလူင်ပွင်ၸိုင်ႈၵမ်ႈသိုဝ်ႈ။ ႁဵတ်းၼႆသေပၢင်ၵုမ် ဢုပ်ႇလွင်ႈ ၵတ်းယဵၼ်းၼႂ်းၵႄႈတႆး လႄႈမၢၼ်ႊ ပဵၼ်မႃႈလၢႆလၢႆပွၵ်ႈသေဢမ်ႇၵႃး ၼႂ်းၸၢဝ်းၶိူဝ်းၽႂ်မၼ်းပဵၼ်မႃး ယဝ့်။

ထႅင်ႈၾၢႆၼိူင်ႈၵေႃႈ လွင်ႈဢၼ်Obama ပေႉပၢင်လိူၵ်ႈတၢင်ႇပွၵ်ႈၼႆ့ၵေႃႈ ႁဵတ်းႁႂ်ႈ ၵၢင်သၢင်ႈလွင်ႈ ၵတ်း ယဵၼ်ၼႆ့တိူဝ်းပဵၼ်ၽႂ်းမႃး ယွၼ့်ပိူဝ်ႈဝႃႈObama ၼႆ့မၼ်းၶတ်းၸႂ်ႁဵတ်းႁႂ်ႈASEAN ယူႇတႂ်ႈUS မႃး ၸဵမ်မိူဝ်ႈလႂ်ယဝ်ႉ။ လွင်ႈတၢင်းမၼ်းတႄႉၵေႃႈ တေႃႈလဵဝ်ၵၢၼ်မၢၵ်ႈမီးမိူင်းUS ၼႆ့ မၼ်းၶိူၼ်ႈ ထိူင်းလိူဝ် သေၶေႇ ပေႃးၸိူင်ႉၼၼ်ႉပၢႆးမၢၵ်ႈမီးမိူင်းASEAN လူင်ၼႆ့ၸၢင်ႊတူၵ်းတႂ်ႈမိုဝ်းၶေႇၵႂႃႇ။ USၵေႃႈသမ်ႇၶႂ်ႈဢဝ်မိူင်းASEAN လူင်ၼႆ့ပဵၼ်ႁႅင်းၵၢၼ်မၢၵ်ႈမီးမၼ်းလႄႈ Obamaၵေႃႈၸင်ႇလႆႈ မႃးလႄႈမိူင်းဢၼ် ပႆ့ပဵၼ်တီႇမူဝ်ႇၶရေသီႇ ၼၼ်ႉယဝ့်။ လူင်ပွင်ၸိုင်ႈမၢၼ်ႊၵေႃႈ မိူဝ်ႈမၼ်းၶႂ်ႈပဵၼ် လူင်ပွင်ၸိုင်ႈဢၼ်လုမ်ႈၾႃ့မၵ်းမၼ်ႈ မၼ်းၵေႃးႁူႉဝႃႈလဵၼ်ႈၵေႃ့ၶေႇတႄႉ တေဢမ်ႇပဵၼ်လႆႈ ယွၼ်ႉၼၼ်လႄႈမၼ်း ၵေႃႈလႅၼ်ႈၸူးUSၶဝ်ယဝ်ႉ။ ဝႃႈၼၼ်သေတႃ့ၵေႃႈယဝ်ႉ တေႃႇထိုင်တေႃႈ လဵဝ် ဢၼ်လူင်းတိုၼ်းၼႂ်း မိူင်းမၢၼ်ႊဢၼ်ၼမ်သေပိူၼ်ႈၵေႃႈတိုၵ်ႉပဵၼ်ၶေႇဝႆ့ယူႇ။

တွၼ်ႊၾၢႆသိုၵ်းမၢၼ်ႊတႄႉ ၶဝ်ၶႂ်ႈလႅၵ်ႈလၢႆႈၼႃႇတႄႉၵေႃႈဢမ်ႇၸႂ်ႈၼင်ႇၵဝ်ႇ ယွၼ့်ပိူဝ်ႈဝႃႈၶဝ်ႈ ႁၼ်ၼေႃႇဝူၺ်းၸွႆႈမိူင်းသီႇရီႉလၢင်းၵႃ ၸိူင်ႉၼင်ႉၼၼ်လႄႈ ၶဝ်ၵေႃႈမၢင်ႇၵိူဝ်းၶႂ်ႈမိူၼ်ၼင်ႇ SriLanka ၼၼ်ႉယဝ်ႉ။